ካብ አብ ሱዳን ዝነብር ስደተኛ ኤርትራዊ ዝተላእኸት ናይ ሕድሪ መልእኽቲ

መብጽዓይ ከብጽሕ

መጀመርታ ዝኸበረ ሰላምታይ ይብጽሕኻ
ኣነ አብ ሱዳን ዝነብር ስደተኛ ኤርትራዊ እዬ፤
ካብዚ ቀጺሉ ንዘሎ ጽሑፈይ ናብ ሓፋሽ ክተቅርበለይ ብትትና ይሓትት የቐንየለይ

መንግስቲ  ኤርትራ ሕጅ እዋን ኣዝዩ ተረቢሹን ዓቅሉ ጸቢብወን ይረከብ ኣነ ሽመይ ክተቅስ ዘይደለኩ ኣባል ሃገራዊ ኣገልግሎትን ንነዊሕ ዓመታት ኣብ ጎዳጉዲ ተኣሰርኩ፣ ተከትከትኩ፣ መግቢ ተሃረምኩ፣ ኩሉ ኣሎ እተብህለ ኢ- ሰብኣዊ ግፍዒ ዝወረደኒ ብጀካ ኤርትራውነተይ ካልእ ገበን ዘይብለይ ሰብ ኢየ፤ ሕጅ ኣብ ሱዳን ይርከብ፤ ኣብ ማእሰርቲ ከሎና ሓደ ዓብይ ቃል ኪዳን ምስ እሱራት ብጾተይ ኣተና ኔርና ንሱ ድማ “ ካብዚ ቦታ ዝወጽአ ንዝወረደና ግፍዒ፣ ስንክልና፣ መስዋእቲ ኩሉ ኣብ ዓለም ንዝርከብ ህዝብና ምቅላሕ” ኔሩ፤ ኣነ ድማ ነት መብጽዓይ ከብጽሕ ምሳይ ዝሳቄዩ ናይ ዝነበሩ፣ ዘለው፤ ሃለዋቶም ዝጠፍአ፤ ኣብ ቅድም ዓይንና ዝሓለፉ፤ ብዝወረዶም ምቕጥቃጥ ዝሰንከሉን ናይእምሮ ጸገም ዘጋጠሞምን፤ የሕዋተይ ብዝርዝር የቅርቦለኹ

እዮም፤ እዚኦም ዝጠቐስኩወም ካብ ባሕሪ ብማንካ እዮም፤ ኣብ ፈቐዶ ቦታ ተኣሲሮም ዘለው በኣሉ እዝጊ ጥራይ እዩ ፈላጢኦም፤ ስለዚ ነዞም ተሪፎም ዘለው የሕዋትና ካብ ዘለውወ ግፍዒ ንኽወጽኡ ዘዝኽእለትና ንግበር፤ አብ ዝመጽእ እዋን ናይ ዝተወሰኑ ሰባተ ፎቶ ክሰድድ እየ፤
ዘዳግም ኻርቱም

03/09/09